重點不只在燒物

有一晚路過北角搵野食，在網上找到推介食店都已爆滿，走了幾條街，不知不覺間走入後巷，發現別有洞天。那裡有幾間幾好的餐廳，又是爆滿，所以選擇了新開的餐廳，連招牌紅紙都未拆。

 

在日本燒餐廳，叫了幾款燒物。串燒牛、豬、雞、豆腐、栗米。

 

最好食的是雞腿肉串，$18，新張期內，此項買一送一，追加了一次；

西京豬頸肉串 $22，正常水平；

澳洲和牛碗肉串 $38，最貴，反而麻麻地；

串燒豆腐 $18，3件，用硬豆腐，一般； 

牛油栗米 $25 兩條，炭燒味重，OK。

 

 

我發現，在日本燒餐廳，重點不只在燒物。驚喜在溫泉玉子鰻魚爆丼 $98，食物擺放有點心意，圓圓的飯團山坡上，鋪上鰻魚片，在山頂放一顆溫泉蛋，再散播紫菜絲。

 

味道如何？朋友們爭著吃，每人分四份一，自行製作鰻魚壽司，魚和飯都好味。溫泉蛋流心的。

 

朋友叫了野菜天婦羅拉麵 $68和野菜天婦羅烏冬 $68，天婦羅新鮮熱上，炸漿很薄。拉麵用上日本拉麵，朋友丙非常喜歡吃。烏冬用上白湯底，烏冬OK，白湯底麻麻地。每碗都有溫泉蛋，有點多。

 

 

最後叫了兩杯飲品，柚子菠蘿梳打 $28，好飲；巨峰提子梳打 $28，一般。

 

總評
 

味道：重點不只在燒物

環境：舒適

服務：可以
抵食：一分錢一分貨
菜式：推介野菜天婦羅、溫泉玉子鰻魚爆丼