店員姐姐哈哈大笑

是咁的，上次我將一幅相放在面書，說踢完波，自己一個人食晚餐。竟然有網友看圖竟能說出餐廳名字。

今次仲誇張，我在面書說在太子某點心店食晚飯。竟然有網友在留言區又估到，徐記廚房。有無攪錯呀，咁都估到？

香茜牛肉腸 ($29)，即叫即蒸，腸粉很軟，幾滑，只需要加少少豉油，已經好食。茜味不多，我給中上的評價。

北菇滑雞飯 ($29)，雖然只是一般，但是飯很熱很軟熟，可以接受。

黃金流沙包 ($20)，流沙很流沙，也很金，流沙包要親熱食。

香煎蘿蔔糕 ($25)，有蘿蔔，煎得也香。

栗米南瓜豬骨粥 ($23)，粥好黃，少少南瓜，無豬骨味。好味，追加了一碗。

我在面書寫：

今晚在太子某點心店食晚飯，店員姐姐問我：「你係咪靚仔醫生？」
我答：「我係醫生，不過唔係靚仔。我走食力派路線，不是偶像派。」
逗得店員姐姐和太太哈哈大笑。然後她細細聲向我說：「多謝你。」

總評

味道：中上；
環境：太子站旁的小店，大概有40個位；
服務：即叫即蒸，上菜速度幾快；
衛生：OK
抵食：都算幾抵食

徐記廚房
太子花園街239號地舖
港鐵太子站 A 出口, 步行約3分鐘